A hmasain Lairam mipui zawng zawngte chibai kan buk a che u. Tuna LADC - in thil duhawm lo tak atawn mekah hian thu dik tawk lo leh belhchian dawl lo tam tak hmuh tur leh hriat tur atam ta hle a. Hei hian Lairam mipuite a ti chiai-in, demloh tur dema, dem tur dem si lova, diriamna tawngkam duhawm lo tak tak pawh a tam hle a ni. Hetiang hi thil awm dan anih tak avangin thu dik zawk puanchhuah hi alo ngai ta a ni.
11th- Term, Lai Autonomous District Council-ah hian MNF Party chuan seat 25-ah 20 lain, chak taka hnchna changin (Landslide Victory) Sawrkarna a siam ta a. Pu. Manghmunga Chinzah chu CEM niin tha tak leh tluang taka Sawrkar kal tura beisei anih laiin, MNF Legislature chhungah inphiarrukna a awm avangin thlariat lek a upa chu 'No-Confidence Motion' hmangin MNF Party MDC-te vek chuan mualpho takin an paihthla a. Pu. V. Zirsanga kaihhruai MNF Sawrkar bawk a lo ding ta a ni. He Sawrkar hi tluang taka kal tawh tura rin leh beisei anih lajin MNF MDC thenkhatte lakah thliarhranna nasa tak awmin, hleihnei takin rorelna kalpui a ni a. Iletiang thil a thlen mek lai pawh hian MNF MDC rahbeha thliarhrante hian rilru sual pu lovin Sawrkar chu tha takin an tawiawm chhunzawm zel a ni. Amaherawhchu, Pu. V. Zirsanga CEM LADC chu vanduaithlak takin Court Case avangin Convict hial a lo ni ta a. Hetiang thil Ram hruaitu lu berin a lo tawn takah chuan Ram leh Hnam mualphona a ni ti a, mahni inthiamlohna (Moral responsibility) la a, CEM atanga ban mai ringa beiscina sang tak ram mipuiten kan neih laiin, ban tumna aneih tak siloh avang leh MNF Party General Headquarters, Aizawl leh District Headquarters, Lawngtlai-ten anmahni Party chhungah insiamrem tuma hmalakna engmah a awın tak siloh avangin Ram leh Hnam mualphona a ni tih hriain, Party hrang hranga awm MDC sawm pathum (13)-te intelkhawmin bantir tumin Mizoram State Governor hnenah Dt.28th February, 2024 khan Signature pein floor test neih anih theih nan ngenna kan theh lut a.
Tin, Chief Executive Member ngei pawh Majority a-command tawh loh avangin bang turin kan ngen bawk a ni. Bang ta mai lovin, Sorkar hna nghet awm thei ang ang post 20 dawn lai majority nei lovin, appointment a la pe zui zel hi a duham thlak kan ti. He thil hi Lal na leh thuneihna duh vang nilovin Lairam leh Hnam, Lai Autonomous District Council (LADC) zahawmna vawnhim zel anih theihna atana ti kan ni zawk. Mizoram Governor hnena kan dilnate a hlawhtlin takah chuan Sawrkarna tha taka dina, Lairam mipuite tan hmasawnna rahbi thar siam tura beiseina kan neih mek laiin, Member 13 zinga pakhat chuan beisei loh takin min phatsan leh ta si a. Hetiang thil kan beisei loh tak a thlen tak avang hian member 12 ve ve niin, Sawrkarna a ding thei ta lova, Governor-in LADC thuneihna la in, a enkawl lailawktu (Care taker) atan Deputy Commissioner, Lawngtlai chu a dah ta a ni. Hetiang thil LADC-in alo tawn tak avang hian ram mipuite in thlaphangin, in chiai hle tih kan hria a, pawi kan ti tak zet a ni. Pathian hruainain tun atanga hun reiloteah Sawrkar ngialnghet leh langtlang, Mipui sawrkar din theih ngei kan in beisei tlat a ni.
Issued by: Lairam Democratic Progressive Alliance (LDPA)
Dated Lawngtlai, the 30th March, 2024