Lawngtlai District MJA buatsaihin vawiin khan Lai House, Aizawl Conference Hall ah Miss Mizoram 2024 thlanna tur atana Lawngtlai District aiawha tur Miss puanna neih a ni.
Pu Lalchharliana kaihhruai he hun hmannaah hian Pu Elvis Lalthangzuala, President, MJA Lawngtlai District chuan Miss L. Lalnuntluangi chu Miss Mizoram 2024 thlanna tura Lawngtlai District aiawh turin puang a. LSA Jt. Hqrs. Aizawl leh Deputy Resident Commissioner, Lai House te hnenah lawmthu a sawi. Pi T. Lalhminghlupuii, Deputy Resident Commissioner, Lai House Aizawl chuan Miss lukhum khum tirna leh Sash awrh tirna hun a hmang bawk.
Lawngtlai District aiawh tura thlan Miss L. Lalnuntluangi chuan MJA Lawngtlai District in Lawngtlai District aiawh tura an thlang chu lawmawm a tih thu a sawi a. Mipui support-na a mamawh thu leh a kal leh zelna turah tawngtaina sakna a mamawh thu a sawi.
Miss L. Lalnuntluangi hi Govt. Hrangbana College-a 6th Semester zirlai a ni a, Tuikual South ah an cheng mek a ni.
Lawngtlai District MJA chuan Miss L. Lalnuntluangi hi a kal leh zelna tur atana a inbuatsaihna atan Rs. 10,000 an hlan bawk.