Lai, Mara leh Chakma Autonomous District Council te chu an hnuaia thawkte a nghet leh nghet lo leh aikal list DC&MA in submit tura a ti chu Sixth Schedule palzutna leh Minority te zahlohna leh hmusitna ah MNF District Headquaters Lawngtlai chuan a ngai.
MNF District Hqrs. Lawngtlai chuan thuchhuah siamin, Election Campaign laia Minority/Autonomous District Council te duhsak leh hmangaih em em tur anga insawi ten rinloh tak maiin District Council & Minority Affairs chuan Dated 7th February, 2024 khan ADC pathumte lehkha pein Autonomous District Council pathum : Lai, Mara leh Chakma ADC te chu an hnuaia thawkte a nghet leh nghet lo aikal list DC&MA in submit tura ati chu Sixth Schedule palzutna lian tak mai leh Minority te zahlohna leh hmusitna ah an ngai tih an sawi
Autonomous District Council-te hi Sixth Schedule hnuaia India danpuiin thuneihna a pek chinah, mahnia inrelbawl hrangin, mahni inkaihhruaina leh a hnathawktute pawh ADC hian an hnuaia thawktute enkawlna leh thununna chungchanga thuneihna hran a nei a, mi thuneihna leh tihtur lo dai khalh hi India Constitution leh ADC te zahlohna lian tak a ni,an ti.
Sawrkar kalphung ah DC&MA Deputy Secretary te hi ADC a Executive Secretary aia hniam an ni a, an aia sang zawk Officer te hi Governor remtihna leh phalna tel lo chuan vawikhat mah lehkha pawh siam tawhlo tura an duh thu sawiin, MNF District Hqrs Lawngtlai chuan , Lai, Mara leh Chakma ADC –te pawhin he lehkha hi ngaihdan tawk thiam se an duh thu an sawi.