Kumin March 1 a Chapchar Kut hman tur chu Lawngtlai ah hnam theihtawka hlu leh ropuia hman nise tiin vawiia Additional DC, Pu Abraham Beirazi Khithie hova Chapchar Kut Committee, DC Conference Hall Lawngtlaia thukhawm chuan a rel.
Lawngtlai a Chapchar Kut hmanna hmun atan DC Pisa tual nise an ti a, Kut Pa atan Adviser to Chief Minister, Dr.Lorrain Lalpekliana Chinzah, Kut thlangtu atan Lawngtlai DC an ruat a, Chapchar Kut ah hian kumdanga lo tih thin angin, hnam ziarang pholang thei zai leh lam bak ah thil hrang hrang pholan te, thalaite huikhawm leh lawm zawng Programme a tam thei ang zehtel te an rel a, chanvo hrang hrang a mawhphurtur te ruatfel niin, bawhzui ngai hrang hrang bawhzui turin Additional DC kaihhruaina hnuaiah Working Committee din a ni bawk.
Lawngtlaia Chapchar Kut hmandan tur relna ah hian Sorkar Department hotutte, Tlawmngai palw aiawh leh Chanchinbumite an tel.
Chanvo neitur a beisei te
Hlado - MUP
Zaipawl - Central YLA
Rawkhawthlak - ANM School
Conglaizawn - LWA
Chai - Central YLA
Pawhlohtlawh - Central YLA
Parlam, Chheihlam - MHIP
Chhawnghnawh - DC Office
Chapchar kut ah hian Phawngpui Photographers Association ten MIss Chapchar Kut, Little MIss leh Litle Mister an thlang ang.
Tags
News