Vawiin khan Parliament inthlanpui neih a hmantur, Lawngtlai District a Assembly bial pathum a Electoral Roll chu DC Conference Hall ah Additional DC, Pu Abraham Beirazi Khithie chuan a tlangzarh.
Lawngtlai District a Assembly bial pathum, Tuichawng bial ah vote nei 36,493 an awm a, Lawngtlai West ah vote nei 29,781 awmin, Lawngtlai East ah 26,135 an awm a, Lawngtlai District a Assembly bial pathum ah vote nei 92,409 an awm a, heng zinga 46,132 chu mipa niin, 46,277 chu hmeichhia an ni.
Lawngtlai District a Polling Station 181 ah Lawngtlai East huamchhunga Pangkhua chu vote nei tamna ber niin 1136 an awm a, Lawngtlai West bial a Chamdurtlang-II chu vote nei tlemna ber niin vote nei 51 an awm.
Electoral Roll tlangzarhtu Pu Abraham Beirazi Khithie chuan, Electoral Roll thatak neih a nihtheih nan a hmalatu zawngz anwg chungah lawmthu a sawi a, Official te leh Tlawmngaipawl te inpekna vang liau liauin Electoral Roll felfai tak Lawngtlai District in a neithei chu thillawmawm tak a ni a ti.
Electoral Roll tlangzarhna ah hian Vote neithar thlanbikte hnen ah Elector Photo ID Card (EPIC) hlan an ni a, Electoral Roll thar chu Political Party te hnen ah pek an ni bawk.
Tags
News