I&PR Minister hovin MJA Lawngtlai District Annual Conf. hman a ni.

Vawiin khan Information & Public Relation enkawltu, Minister Dr.Vanlalthlana'n MJA Lawngtlai District Annual Conference, Lawngtlai Press Club a neih a hmanpui.

Dr.Vanlalthlana chuan Media thangzelah Journalist ten nasa zawka an beih a ngai tih sawiin, thuthmun atanga News zawng khawm lova, khawtlang leh ram siamthat nan chhungril zawk luhchilha, chanchinthar tangkai haichhuah kawngah tanla turin a fuih a, Chanchinbu mite chu  Sorkar chu umzuia, chhuia, venpui turin a sawm.

Information Minister chuan Sorkar hmasain Journalist Pension a lo ruahman chu chaktaka bawhzui a nihthu leh Finance Department lam ah thawn a nih tawh thu sawiin Sorkar hmasain thiltha chhunzawm tlak a hnutchhiahte chu theihtawp chhuaha bawhzuizel an tum thu a sawi.

Dr.Vanlalthlana chuan pung tamzawka pawisa dahna lem hmanga inbumna a tam thu sawiin, khawpui lam aiin thingtlang lam ah bumtheihtur an zawng nasa a, rimtaka an thawhchhuah pung tamzawka umna vanga sumdahpunna lem hmanga bumna tawk an awm chho deuh reng a, mipui lam fimkhur a ngaih thu a sawi bawk.

District MJA President Pu Lalngheta Ralte chuan Mizoram Journlist ten dawmkan an mamawh hle tih sawiin, ZPM Sorkarin Hand Holding Policy a kalpuitur ah Journalist te a huamtel dawn chuan, a kaitutur Sorkar hi Journalist te dawmkanna kawngah chuan a  inherrem hmasak tul a a hriat thu a sawi a, awmzenei zawka chanchinbumite hmakhua ngaia sorkarin   ruahmanna a siam a tul thu sawiin, Sorkar hmalakna ah Journalist ten an tana thatur a nih dawn phawt chuan tawrh hmasak a tul pawn an inhuam thu a sawi.

Lawngtlai District MJA Annual Conference, Pu ZD Dengngura Editor Phawngpui Express kaihhruai ah hian Lawngtlai East bialtu MLA, Adviser to CM Dr.Lorrain Lalpekliana Chinzah leh Lunglei West bialtu MLA Pu T.Lalhlimpuia ten thuchah an sawi bawk.

Lawngtlai District MJA Annual conference ah hian chawhma lam ah rorelin, Resolution pahnih, 1. Mizoram Sorkar hian Advertisemnet Rules a hmanlai hi en nawn se, I&PR Department hian, State Sorkar hnuaia Department zawng zawng ten an hmantheih turin Advertisemnt Fund hi Budget head hran ah dah turin thuneituten hma la se kan ti. tih leh

2. Mizoram chhimlam District ah Kawlphetha lakna chhe zing lutuk hi mipui tawrhna a thlen nasat vangin Sorkar in a theih anga rangin Mizoram chhimlamin Kawlphetha mumal zawk a hmuh theih nan hma la rawh se. tih t
e an passed

Pu Hmingthanzuala, DIPRO, Lawngtlai kaihhruaina hnuai ah Kum 2024-2026 chhung an pawl hruaitu atan

President : Pu Elvis Lalthangzuala

Vice President  : Pu H.Lalrinmawia

Treasurer : Pu Lalngheta Ralte te an thlang.