Vawiin khan MNF Legislature Party, hruaitute chuan LADC a Executive Member, MNF Legislature Party a Deputy Leader Pu C.Rongura hovin Lawngtlai a Chanchinbumite kawmin, Pu C.Rongura chuan an Leader Pu V.Zirsanga'n Feb.9, 2024 khan Leader atanga banna a thehlut tih sawiin, nimin Pathianni khan MNF Legislature Party leh MNF District Hqrs Office Bearer ten he banna hi an ngaihtuah thu sawiin, tundinhmun ah chuan Lai Autonomous District Council Constitution, Conduct of Business Rules 2010 en chungin tuna Pu V.Zirsanga dinhmun ah hian Legislature Party Leader a chelh theihlohna an hmuhloh vangin Leader atanga banna a thehluh chu an hnawl tih a sawi.
Lai Autonomous District Council a Chief Executive Member nilai, LADC a MNF Legislature Party Leader Pu V.Zirsanga chu eiruk thubuaiah Dr.HTC Lalrinchhana, Special Judge, Prevention of Corruption Act chuan thiamloh chantirin a hrem a, Pu V.Zirsanga hi a thubuaiah Special Court thuremna ah lungawilovin, High Court ah zualkovin, High Court chuan thuremna lo awm tawh chu kalpui rihlotur a tiin, Pu V.Zirsanga pawh January 31, 2024 khan Bail a chhuah a nih thu LADC a MNF Legislature Party hruaitute chuan an sawi.