He Awareness Campaign hi Pi F.Lalengvari District Mission Co Ordinator, District Hub for Empowerment of Women, Lawngtlai District chuan kaihruaiin, Pu Z.Laldinhuala SFL, District Hub for Empowerment of Women, Lawngtlai District chuan Beti Bachao, Beti Padhao chungchang sawifiahin, nikum 2023 atang khan District thlanbik a hmalakna chu tilianin, India rama District tin ah he hmalakna hi kalpui a nihrualin Lawngtlai District ah pawh Beti Bachao, Beti Padhao hnuaiah hmalakna kalpui tan a nih thu sawiin, hmeichhia humhim leh an dinhmun chawisan chu a tumber a ni a ti a, a bikin Lawngtlai District ah hmalakna tur a tam tih sawiin, Damdawiin nilova nu naunei pawh an tam hle a, District dang aiin hmalakna hi ngawrh zawka kalpui a tul a ni a ti a, hmeichhiate dinhmun dawmkanga, tanpui chu mitin mawhphurhna a ni a ti.
Hmeichhiate chunga hleilenna thleng thin laka humhim an nih theihna dan Protection of Women from Domestic Violence Act 2005 chu District Court, Lawngtlai a Assitant Public Procecutor Pi Vanlalhriati Lawtlai chuan kalkhawmte a zirtir a, hmeichhe zahawmna humhim leh an chunga hleilenna thleng thin chu dan hmanga an mahni humhimna tur chu hriatchian tul a tih thu leh, dan kalha an chunga thilthleng a awmin huaisen taka an dikna leh himna hailangtura penchhuah a pawimawh a ni a ti a, Protection of Women from Domestic Violence Act 2005 chu he huna telte fiahtakin a hrilh.