Myanmar thlawhna hian tum hnih thiarin, a tumkhat nan Myanmar Sipai 84 rawn phurchhuak phawtin, chawhnu dar 3:24 khan a tum hnih nan Sipai 67 a rawn phurchhuak leh a, tihian December 29, 2023 a Myanmar Sipai tlanchhia, Lawngtlai District chhung, Tuisentlang a rawn lutte chu an ram ah phurlet an ni vek tawh.
Myanmar sipaite hi an awmna hmun, Parva epa Myeik Wa Camp an tih mai chu December ni 29 a Arakan Army hel pawlte'n an luh chhuah a an laksak avangin Tuisentlang khua-ah an rawn lut a. A tirah mi 83 rawn lut phawtin zan lamah mi 68 an rawn lut leh a, an vai hian mi 151 an ni. An zingah hian hliam 9 an awm a, chu'ng zingah chuan hliam na zual 4 an awm.
An ralthuam rawn luhpuite chu - Rifle 93, pistol 17, Rocket Propelled Grenade (RPG) 4, Mortar 4, Medium Machine Gun (MMG) 2, Light Machine Gun (LMG) 5, Sniper rifle 4 leh hand grenade 374 te a ni.