Lawngtlai Dist. a Assembly bial thum a E/Roll siamthar tur a behchhana hmantur Draft E/Roll tlangzarh ani.

Election Commission of India thuchhuak angin Special Summary Revision of Photo Electoral Roll, 2024 neiturin Lawngtlai District ah inbuatsaihna kalpui tan a ni.

Electoral Roll ennawna, siamthar tur atan, behchhana hmantur Draft Electoral Roll chu vawiin khan Election Officer Pu Denny Lalchhuanawma chuan DC Conference Hall, Lawngtlai ah a tlangzarh a, Election Officer chuan Electoral Roll felfai neitur chuan tanrualna tha a pawimawh tih sawiin, Lawngtlai District chu ramdang, Bangladesh leh Myanmar nen ramri thuitak intawm a nihna ah Khua leh tui diktak nilo ten Electoral Roll a luhtuma bei an awmtheihna a sang tih sawiin, fimkhur taka a buaipuitu leh Political Party leh Tlawmngaipawl ten tan an lak nasat tul a tih thu a sawi.

Lawngtlai District a Assembly bial pathum Tuichawng, Lawngtlai West leh Lawngtlai East ah  vawiin a tlangzarh tak Draft Electoral Roll a a landan chuan Vote nei mipa 45,688 Hmeichhia 45,754 an vaiin Vote nei mi 91,442 an awm.

Tuichawng bial ah Vote nei 36,044 awmin Lawngtlai Est ah 29,495, Lawngtlai East ah vote nei 25,903 an awm.

Draft E/Roll hi Pu Samuel Lalmalsawma Sailo SDC, Lawngtlai chuan Political Party aiawhte hnen ah a hlan.

Lawngtlai a Draft Electoral Roll tlangzarhna hian Political Party aiawh, Tlawmngai pawl aiawh, Thuthar thehdarhtute leh Sorkar Department hotute an tel.