LADC a Executive Secretary in Lawngtlai Dist. MJA te ram tan theihtawp chhuah chhunzawmzel turin a chah.

Lai Autonomous District Council a Executive Secretary Pu K.Lalramliana chuan Lawngtlai Chanchinbumite chu theihtawp chhuaha ram leh hnam tan pen chhunzawmzel turin a chah.

LADC a Executive Secretary hian vawiin chhun khan Lawngtlai District MJA te chhun thingpui inpuiin a kawm a, Lawngtlai a thuthar thehdarhtuten District hmingmawilohna lam turte LADC hmel tibal thei zawngte nguntaka thlifima, chanchin him leh puanzartlak chauh an thehdarh thin chu lawmawm a tih thu sawiin, Chanchinbumite leh Sorkar chu rualtaka a kalloh chuan Sorkar a chak tak tak theilo tih Executive Secretary chuan sawiin, Lawngtlai Chanchinbumite chu theihtawp chhuahzel turin a chah.

MJA Lawngtlai District hruaitute chuan LADC Sorkar in Chanchinbumite a theih ang anga duhsakna lantira a ngaipawih thin chu lawmawm an tih thu sawiin, hmalak ngai leh hmasawnna tur ni a an hriatte Executive Secretary hi an sawipui.