MLA ten Orientation training neiin Delhi ah an cham mek a, He hun hi Lawngtlai East MLA, Adviser to Chief Minister Dr. Lorrain Lapekliana Chinzah chuan remchang a laiin nimin khan Delhi a Laifa zirlai te awmna Lai Hostela tlawh.
Adviser to CM hi Lai Hostel, Delhi, Warden leh Chaplain nibawk Rev. Varrosanga leh zirlai ten lo dawngsawng in zanriah an kilpui a, Lawngtlai East MLA chuan an Nu leh pa ten sum tam tak sengin hmun hla taka zirna tha belin an tir tih hrulhin, nu leh pa te beiseina tihlawhtling turin theihtawp chhuah theuh turin a fuih.
MLA chuan tun hnai Kum 5-6 vel liamta atangin Laifa Competetive Exam palhtlanga Civil Service leh State/Central Sorkar hna lian a lut an tlem ta lutuk hian ngaihtuahna ati thui hle tih sawiin, tuna zirlai naupang Delhi a awm mek te hian Lai hnam leh Lairam chawisan nan mawhphurhna sang tak an nei a ni tih hriaiin thahnemngai taka zir turin a chah a, LADC hotuten India ram khawpui ber Delhi ah zirlai te hmakhua ngaiin Hostel tha an buatsaih hi a lawmawmin, a thlamuanthlak hle tih a sawi a. Dr. Lorrain chuan Ramdang leh hnamdang zinga khawsa in ni a, Mi ze hrang hrang leh hnam hrang hrang karah kan ram leh hnam darthlalang in ni ti hre reng chungin an nungchang leh khawsak dan ah pawh fimkhur hle turin a chah bawk.
Dr. Lorrain-a'n Hostel tul leh mamawh a hman atan Rs. 5000/- Hostel warden kutah a hlan a, MLA hi Mizoram Assembly Dy. Speaker Pu Lalfamkima'n a tawiawm ani.
Tags
News