Lawngtlai DC Pu Cheemala Siva Gopal Reddy, IAS chuan kawng hrang hranga hmalakpuiah mipui a sawm.

Lawngtlai DC thar Pu Cheemala Siva Gopal Reddy, IAS  chuan vawiin khan Lawngtlai DC mawhphurhna lain Office a kai tan a, Lawngtlai District chu entawntlak a dawmkan dan zawn a tul thu leh Lawngtlai khawpui chu kawng hrang hranga hmasawnna a chuankai theih nan theihtawp chhuah a hmalakpui ah mipui a sawm.

Lawngtlai DC thar hian vawiin chawhma lam khan Lawngtlai District MJA hruaitute thingpui inpuiin, MJA hruaitute chuan District MJA Patron Member a nih hriattirna hlanin Lawngtlai District ah an lo lawm tih an hrilh a, MJA chuan District hmasawnna atan leh District tana thaturah chuan kawng engkimah Sorkar thawhpui tlat an inhuam thu leh an lo kal thin dan a nih thu DC an hrilh a, MJA kalphung tlangpui an hrilhhre bawk.

DC Pu Cheemala Siva Gopal Reddy, IAS  chuan Lawngtlai District mipuite chibai bukin, tanrualna atangin hmasawnna a awm thin a, Lawngtlai khawpui chu faina leh thianghlimna lam ah khawpui dang entawn tlaka siamturin theihtawp chhuah a tum thu a sawi a, Lawngtlai District chuan kawng hrang hrangah hmasawnna a neih theih nan amah finchhuah thin turin Chanchinbumite leh mipui a sawm bawk.