Lawngtlai leh Siaha inkar inkalpawhna kawng tangkai leh hman rimtak, Chhimtuipui, Tuipui Ferry paltlang ngai chu thal tuitlem laiin Lei dawh ni thin mahse, fur ruahtui tam laiin lei hi hmantheih a ni thin lova, lei dawhtheih hma siin, Lawngleng Engine vuahchawp te chu khualzin te hruaikai nan tangkai takin hman mek a ni.
Kawngpui pangngaiah Lawngtlai leh SIaha inkar hi darkar thum vel motor a tlan ngai a ni a, Tuipui Ferry paltlang hian darkar khat leh a aia tlem deuh te hun hman niin, heivang hian Tuipui Ferry lam hi Maxi Cab pawn khualzinte inhlanchhawn nan an hmang nasain, Marboat pangngai a awmloh vangin lirthei ke hnih nei chi tihloh chu thiarkai theih a nilova, khualzin zingah chetsual palh a himna tur invenna (life jacket) inbel hmuhtur an awmlo.
Lawng hmanga kai man hi mipakhat tan Rs.50 zel niin, Bike phurhkai man Rs.300 atanga 500 niin, khualzin ten helai hi an paltlang nasat vangin zing atangin Lawng pu ten thiarkaitur nileng in an nei deuh reng a ni.
Tags
News