Lawngtlai a Central, State leh a dang atanga Officer awmte inzawmkhawm Officers' Club, Lawngtlai chuan kumdangah pawh an lo tih thin chhunzawmin, naupiang chibai bukna, khawsak harsa zawk leh tanpui ngai ni a hriatte hnen ah an semchhuak mek.
Bahhnukte Charity ti a vuahin kumdang ah pawh OCL hian naupiang chibai bukna hi an semchhuak thin a, kumin hian chhungkua Chungkaw 48 hnenah Rs 1,44,000 an semchhuak tawh a, Damdawiin lam ah Poor Fund chhunluh an la tum bawk.
Officers' Club, Lawngtlai ten naupiang chibai bukna an pektur te hi OCL Executive Committee in ngaihpawimawh a neih bak ah Lawngtlai khawpui chhunga YLA Branch ten pek awm chi a an ngaihte hnen ah Branch YLA hruaitute kaltlangin hlan an ni a, tanpuina hi chhungkaw khat ah Rs. 3,000/- zel pek niin, mimal anga tanpui ngai pek pawh an awm.
