Lawngtlai West bialtu MLA, Pu.C.Ngunlianchunga chuan vawiin khan huan Chamdurtlang ah Pang Zirlai Pawl Headquarters Chamdurtlang ten Felicitation - cum - Cultural Day, YLA hall Chamdurtlang a an hman chu khuallian niin a hmanpui.
He hun Lalzakamlova Vice President PZP kaihruaiah hian Zirlai ti tha te chawimawina neiin hnam lam leh zaithiam tak tak ten hun an hmanga, Zirlai boral ta te sun na hun hman ani bawk.
Pu.C.Ngunlianchunga chuan PZP ten Zirlai titha chawimawi tur an nei thei thin chu thinlung takin a lawm thin tih sawiin, nasa zawka zirna ah hmasawn zel tumturein a chah.
Lawngtlai MLA chuan PZP ten an duh leh mamawh an sawite a theih chin chin ah a tihsak zel thin thu a sawi a, Pang Zirlai Pawl te zirna avangin hmun hrang hranga an awm a, Pang hnam nih zak lo ula, Lai hnam ka nih ka zahpui ngai lova,chu chu Pathian malsawmna ka dawn na ani ati bawk.
Pu C.Ngunlianchunga chuan engkimah rinawmna innun ah vawng tlat rawh ula, politics ah pawh rinawmna hi malsawmna a ni a, kan ramah mirinawm lo an tam lutuk avangin kan ram hi a chhezo tawh a ni ber a, India ram ah Mizoram chu mirinawmlo te avangin state sum leh pai chheber kan ni mek te hi a pawi tak zet a ni ati.
PZP te hian MLA Pu.C.Ngunlianchunga chawimawina nei in thu ziak mawi tak an hlan a, Pang Zirlai Pawl hi Kum 1994 khan Chawngte'P' ah din tan niin tunthleng hian Pang Zirlai Pawl meimit lovin kal pui ani.