Nizung chakna hmanga Mampui Tui Pump na PHED Secretary in a hawng.

Vawiin chawhnu khan PHED Secretary, Er.C.Lalremsiama'n Mampui khua chawmtur Nizung chakna hmanga Tui pump na a hawng.

Mampui khawdai, BRTF Camp chhak tlanga Nizung chakna hmanga Tui pump na bunna hmuna hawnna inkhawm buatsaih hi Sr.EE, Er.Netralal Jaisi, Lawngtlai WATSAN Division chuan kaihruaiin, khuallian PHE Department Secretary Er.C.Lalremsiama chuan   mipui ten tui thianghlim hnianghnar zawk an dawn theih nan Sorkar chuan theihtawpin hma a la tih sawiin, tunah Mampui khua chawmtur tui pump na, Nizung chakna hmang hawntheih a nita chu lawmawm a tih thu sawiin, bialtu MDC,  khawtlang mipui, VC leh Tlawmngaipawl te inpekna ropui a tih thu leh zahawm a tih thu a sawi a, PHED Secretary chuan  Lawngtlai khawpui chawmtu Greater Lawngtlai Water Supply Scheme chu tihlen tum a nih thu sawiin, Mampui khua chu Lawngtlai atanga tui pekthlak a nih vangin, a zarzo nasatu an la ni dawn a ni a ti.

Mampui tui Pump hawnna ah hian bialtu MDC Pu L.R.Dingliana Chinzah pawhin thusawiin, hun hmasa lam ah bialtu MDC a nih angin bialtu MLA nen tangkawpin, khawtlang hruaitute nen Mampui khua in tui lama harsatna an neih sukiang turin Cheng Nuai 9 sengin tui an lo pump chhuak tawh tih sawiin, mipuiin mamawh a phuhru zolo nasa a, tunah Sorkar in tui hnianghnar zawk Mampui khawtlangin an hmuh theih nan a hmalakna peihfel a ni ta chu a lawmawm takzet a ni a ti.

Mampui VCP pawhin an khuain an mamawh em em tui hnianghnar zawk an neihtheih nan a hmalaksaktu Sorkar chungah lawm thu a sawi.

Er.Sangromuana SDO, Lawngtlai WATSAN Sub- Division in Techinical Report a pek atanga a landanin, he tui pump siam nan hian JJM atanga pawisa hmuh Rs. 4,34,23,000/- sen niin, Rs.3,37.000/- hu sum senralna chu khawtlang mipui tum a ni a, Chawnhu tlanga Tuizemlian atangin Mampui a Nizung chakna hmanga Tui pump bunna a Tuizem lian ah khawhlutin, hetatang hian Nizung chakna hmangin mipui ah semdarh a ni. Mampui Water Supply Scheme (Solar Pumping) hi Jal Jeevan Mission hnuaiah thawh niin kumin November khan zawh fel a ni a

Mampui Water Supply Scheme (Solar Pumping) hnuaiah tui connection 207 pekin anih bakah Schools, Anganwadi leh Vantlang hmunah te connection pek vek a ni.

He Solar pump hian nikhatah tui liters 82,000 pump thei tura ngaih a ni a. Khawchhung a tuizem  panga 5 ah pump chhoh niin, heng tuizem atang hian semdarh a ni.

Mampui Tui pump na hi Project a a inziah angin khawtlang kut ah a enkawlzui hna hi a awm dawn.