Information & Public Relations Department a Deputy Director Pu Andrew H.Lalremruata chuan vawiin khan Lawngtlaia District Information & Public Relations Office leh hmunhma te a tlawh.
Deputy Director hi Pu Hmingthanzuala DIPRO, Lawngtlai leh a thawhpuite bakah Lawngtlai District MJA President in lo dawngsawngin, duhsakna thilpek DIPRO in a hlan a, DIPRO, Lawngtlai in mamawh an neih hrang hrang, Building cheithat leh thuamthat ngai laite an enpui a, Pu Andrew H.Lalremruata Dy.Director I&PR Department chuan chipchiar takin Lawngtlaia an Department hmumhma te fangin, a hnena mamawh an thlente chu thineitu sangah thlenin, hma lakzui a tum thu a sawi.
Lawngtlai District MJA President Pu Lalngheta Ralte chuan Journalist te leh I&PR chuan thawhhona thatak an nei tih sawiin, kumtin deuh thaw Journalist te intuaithar nan Journalist Workshop, Media Campaign an neihho thin thu I&PR Deputy Director hi hrilhin, DIPRO ten an mahni puala Advertisement Fund awmzenei zawk an neihve tul a tih thu a sawi.
Dy Director chuan Lawngtlai ah I&PR leh Journalist ten thawhhona thatak an nei tih an hriat thin thu leh lawmawm an tih thu a sawi a, MJA President in ngaihpaiwmawh zual a neihte chu a theih anga lo enzui a tum thu a sawi.