Pu C.Ngunlianchunga chuan Lalpa'n khawvela kan awmchhungin rawngbawlna hrang hrang kan kut ah a dah vek a, amah ngei pawh ram rawngbawl turin Lalpan a dah tih sawiin, engkawng pawh zawh ila Pathian tihtute Lalpan mal a sawm thin tih sawiin, Lalpa duhdan a mipui rawngbawl chu kan tihtur ber a ni a ti a, ram tan hna a thawhna ah theihtawp chhuah a tawngṭaisak thin turin Pastor te chu a ngen.
Ram rawngbawlna ah mahni chantur nilo lak leh eirukna lam chi chu a huatber a ni tih sawiin, Minister a nih lai pawn kawngdiklo zawhtura mipui rawngbawl tura inpe a nilo tih chu a thupui ber a ni tih sawiin, Pathian tih chunga ram hruaina ah ram hruaituten hna an thawh theih nan bang lova kan tawngtaipui hi ram mipui ten kan tihtur pawimawh tak a ni a ti.
Pastor rual kalkhawmte hi ram tan a huhovin an tawngtaia, Lalpa duhdana ram hruaituten ram an hruai theih nan Pathian ṭanpuina dilin, chu chauh chu ram dinchhuah awmchhun a nih thu an sawi.
