Lawngtlai DC Pu Joseph H.Lalramsanga'n Road Safety Week a hawng.

Humdang ang bawkin tukin zingkar khan Lawngtlai ah Road Safety Week, Lawngtlai DC Pu Joseph H.Lalramsanga'n a hawng.

Lawngtlai DC chuan kan ramah lirthei a pung chak hle a,  Lawngtlaiah  Lirthei Double Parking avanga harsatna thleng thei anih avangin, Ke a kal mipui ten harsatna an tawh lohna turin Lirthei khaltu ten Double Parking tih loh hram a that thu a sawi a. Kumtlinglo 2Wheeler khalh an tam thu sawi bawkin, Nu leh Pa ten an fate kum an tlin hmaa Lirthei khalh tir lo turin a ngen.

Khuallian chuan Road Safety Week hi a hunlai chauh a hmang lo in, Kumtluan a hman ngai, a bikin Passenger phur chi Lirthei khalhtute tan a pawimawh tih a sawi a, Lirtheia chetsualna a thlen lohna turin Rui chunga Motor khalh hauh lo tura chahin, Christiante hunpui Christmas mittui nena kan hman lohna turin Driver ten kan mawhphurhna kan hriatchian a, Dan kan ngaih pawimawh a ngai hle ani ati.

He hunah hian MVI lam atangin thusawi ngaihthlak ani a, kum 2008 atanga kumin 2023 December thla thlengin Lawngtlaiah Lirthei 9910 ziahluh a ni tawh a. Lirthei khalhtu ten an Lirthei  Document a felfai em tih an check uluk angaih thu sawilan niin, Document felfai tak an neih angaih thu leh Pollution Test an kalpui mek chu ngaih pawimawh a tul thu sawlan ani bawk.

Road Safety Week hman anih chhung hian a theih ang angin Lirthei chetsualna laka an him theih nan, mipuite leh Driverte hriattur pawimawh in zirtirna kalpui a ni ang.