Vawiin khan Lawngtlai DC, Pu Joseph H.Lalramsanga hovin DC Conference Hall ah, nakum 2024 a Lawngtlaia Republic Day hmandantur rel a ni.
Pu Joseph H.Lalramsanga chuan Republic Day chu India ram tan Ni pawimawhbik a nih angin zahawm leh hluttaka lawm a tul tih sawiin, Republic Day Lawngtlaia lawmna tura chanvo neite chuan thataka an hlenchhuah a tul thu a sawi.
Republic Day hi zing dar 10 ah Central YLA Playground ah hman tan nise an ti a, Republic Day pualin Lawngtlai a Damdawiin pathum District Hospital, Lairam Christian Medical Centre & Hospital leh Christian Hospital, Lawngtlai bak ah Lairam Motherless Home, Lairam Rescue Centre, Gelead Drop-in Centre leh District Jail ah te thilpek hlan nise an ti a, Republic Day pualin Batminton leh Volleyball Tournament buatsaih tha an ti bawk. Republic Day ah hian Rampum huapa mi hmingtha chawimawitur an awm chuan chawimawina hlan nise an ti bawk. Lawngtlai a Republic Day hmanna atan tulpawimawh dangte ngaihtuaha bawhzui turin Additional DC kaihhruaina hnuai ah Techical Sub Committee din a ni bawk.
Lawngtlai a Republic Day lawmna tur relna ah hian Sorkar Department hotute, Tlawmngaipawl aiawh leh Chanchinbumite an tel.
Tags
News