Postal Ballot hmangin Vote thlak chunzawm mek a ni.

Assembly inthlanpui atan Lawngtlai District ah Postal ballot hmangin vote thlak mek a ni a, kum upa leh Pianphung a rualbanloten vote an thlak mek bawk.

Inthlanna buaipuitur leh inthlan kaihhnawih vanga a nawlpuia vote thlakni November 7, 2023 a vote thlak hmanlotur te tan Postal ballot hmanga Vote thlakna hi Lawngtlai DC Office COmplex a NIC Hall ah neih chhunzawm a ni a, hemi rual hian kum 80 chunglam bakah Pianphung a, rualbanlo, an In lam a Vote thlak dilte chu  inthlanna buaipuituten an In lam ah panin vote an thlak tir mek bawk.

Hriattheih chin ah Postal Ballot leh Home Voting ah Tuichawng bial ah Vote 245, Lawngtlai West ah Vote 218, Lawngtlai East ah Vote 395 a tla tawh.

Inthlan campaign boruak a muanawm a, khawi hmun atangmahin thil duhawmloh thleng hriattur a awmlo tih District Election Officer Pu Joseph H.Lalramsanga chuan a sawi a, inthlanna atana tulpaiwmawh te chaktakin Official lam ten an tahtawlin an bawhzui chho mek bawk.