Pu R.Lalremsanga, IG Prison chuan Lawngtlai District Jail a tang mekte chu kawmin, Jail ah harsatna an neih leh neih lohte a, tun dinhmunah Jail tangte chuan inenkawlna a that thu leh harsatna an neih loh thu an sawi . Pu Lalremsanga chuan Jail ward fangin, inthiarna leh Electrict leh tui lama mamawh an neih te enfiah in, Jail hungna a him leh him lohte pawh a enfiah.
Pu R.Lalremsanga IG Prison chuan Lawngtlai District Jail Staff te meeting neihpui in, District pali Aizawl , Champhai, Lunglei leh Central Jail ah te Jail a leng tur aia tam tang an neih avangin, District dangah sawn an ngaih thu sawiin, Lawngtlai District Jail ah pawh Lunglei District Jail atangin tang 10 dah an nih tur thu a sawi a , Lawngtlai District Jail chu Lawngtlai khawpuia Kohhran hrang hrangte leh Pawl hminga lo tlawh thin leh thilpek lo pe thin an awm chu lawmawm atih thu sawiin, khawtual miten lo in ti neitu zel se a duh thu a sawi bawk.
Inspector General Of Prisons Pu R. Lalremsangan Lawngtlai District Jail a tlawh hian Jail Superintendent Pu Hratliana leh thawktu ten an lo dawngsawng a, vawiin vek khan District Jail, Siaha tlawh turin Lawngtlai a chhuahsan nghal.
IG Prison in Lawngtlai District Jail a tlawh hi remchanga la in, Synod Prison Minsitry, Lawngtlai district hruaitute chuan lo hmu in, tun hnaia Sawrkarin Jail tangte inkhawmpui an nih chungchang leh Jail chhunga lut tura ID card neite chauh luh tir an nih tur thu thuchhuah a siamthar chungchang an sawiho a, Synod Prison Ministry chuan thlatin vawi 2 Jail tangte inkhawmpui thin an nih thu te sawiin, ID Card siam ngai anih chungchangah IG Prison chu hmalakpui tura an ngen angin, IG Prison chuan a theih anga hma lakpui a tum thu leh, Jail tang ten Pathianthu tha taka an ngaihthlak chhunzawm zel chu tha atih thu a sawi.