Nimin ah vote thlak zawh a nih hnu ah inthlanna buaipuituten tulpawimawhte an buaipuizawh hnuin Lawngtlai District a bial pathum Polling Station 70 awmna Tuichawng, Polling Station 69 awmna Lawngtlai West leh Polling Station 42 awmna Lawngtlai East a inthlanna buaipuitute chuan Lawngtlai pankhawm nghalin, Polling Party thleng hnuhnungber Tuichawng biala Jarulsury Polling Party te chuan vawiin chawhma dar 9:40 khan Lawngtlai an thleng.
Vote chhiarna hmuntur a ruahman Govt. Lawngtlai College ah hian bial pathum tan a hran theuhin Pindan awmkhauh ruahman niin, inthlanna hmanrua te chu Election Observer bakah Election Official leh Political Party leh Chanchinbumite enpuina hnuai ah Pindanawmkhauh ah hian kalh hnan niin venhimna khauhtak hnuai ah dah a ni.
District Election Officer Pu Joseph H.Lalramsanga chuan tluangtaka vote thlak zawh a nih hnu ah inthlanna hmanrua te thataka a dahna tur hmun ah dahfel a ni chu lawmawm a tih thu a sawi.