.jpg)
Assembly inthlanpui atan vote thlak zawh a ni ta a, 2018 a inthlanpui neih aiin Lawngtlai khawpui chhungah boruak a daiin, vote thlaktura pungkhawmte hmel hmuh pawh a nuamzawk.
Therhlo leh eng eng emaw lo hmang tangkai an awm a nih pawn puanhnuai thil a ni a, kan sawitur hi Polling Area leh a chhehvel boruak a ni tih hria ila.
Zing atangin Vote thlakna hmun hrang hrangah boruak a daiin, chawhnuher, tlailam ah pawh vote thlaktur hmuh nuamlo fe fe hmuhtur an awm fumfelova, mipui chevel atang ringawt chuan tihtakzet a vote thlak hmel hmuhtur an tamin, tuntum inthlanna hi Lawngtlai khawpui ah boruak a nuamber tum a nih hial a rinawm.
MPF hmalakna a awmve lova, MPF awmna lam aiin Vote thlakni boruak hi a dai zawk ngei ngei ang tih a chiang a, MPF sawinawi tumna lam nilovin, mipuiin tihtakzeta Vote an thlak tlat chuan a hranpa a khapna leh tihtur leh tihlohtur zam viauloh pawh hian boruak dai tak hnuaiah inthlanna hi a kalpui theih tih a lang a, tuntuma Lawngtlai khawpui vote thlakdan hi entawn tham a tling in a hriat.
Ram hruaitutur hi kan la thlangzel dawn, 2023 Assembly inthlanpui hi kan la sawilet a, thlirletfo tur zing a mi a nih rinawm a, Lawngtlai mipuite changkanzia leh hmasawn nasatzia tarlan a a awm hi a lawmawm takzet, chhawmnunzel tlak a ni.