Jarulsury Polling Party chuanna lirthei chesual ah mipakhatin nunna a chan.

Thawhlehni a Assembly inthlanpui neihturah vawiin a Lawngtlai atanga chhuak, Tuichawng biala Jarulsury Polling Station a inthlan buaipuiturte chuanna Maxicab MZ 07/2427 chu Chawngte piah Udalthana-I bul ah a chesual a, 4th IR  a Constable Z.Lalmuanzuala chu a hmunah a boral

The Lawngtlai Post in thu a dawndanin, Jarulsury Polling Party te chuanna Maxicab hi kawng chhovah a tanga, a chhunga chuangte chhukin an nawr a, an nawrchhuak maitheilo, lirthei tawlhlet chu kawngthlangah liamin Z.Lalmuanzuala hi a hnawl tel a, Driver erawh a him.

Vanduaina athleng tih hriat a nih veleh Lawngtlai District thuneituten buaipuitur pawimawh te rangtakin an buaipui nghal a,chanchindang kimchang zawk ngaihven mek a ni.