Naktip Thawhlehni a Assembly inthlanpui neihtur ah Lawngtlai District a Assembly bial pathum a Pollinf Station hrang hrang a inthlanna buaipuiturte chuan an duty na tur hmun vawiin atang khan an pan tan a,tukin khan Polling Party 86 an chhuak.
Tukin a Polling Party chhuakte hi Tuichawng bial ah 53, Lawngtlai West ah 32 leh Lawngtlai East ah 1 niin an vaiin Polling Party 86 an chhuak a, Lawngtlai atanga hmunhla zuala duty tur te an ni.
Naktuk Thawhtanni hian Polling Party 95 ten Lawngtlai an chhuahsan ve leh dawn a, Lawngtlai khawpui chhung leh a chhehvel bak ah Lawngtlai atanga nikhata banhman Polling Station a duty tur te niin, naktuk hian inthlanna a duty turte chu an duty na tur hmun thlengkim vek tur a tih niin, Thawhlehni a inthlanna atana buaipui ngai, Vote thlakna hmun tur leh tuldang te an buaipui fel vek dawn a ni.
Tuichawng bial ah Polling Station 70 a awm a, Lawngtlai West ah Polling Station 69 awmin Lawngtlai East ah Polling Station 42 a awm a, bial pathum ah Polling Station 181 a awm.
Tuichawng bial ah vote nei 36,042 an awm a, heng zinga 18,350 chu Mipa niin hmeichhia 17,692 an awm. Lawngtlai West ah Vote nei mi 29,493 awmin 14,795 chu mipa niin hmeichhia vote nei 14,698 an awm a, Lawngtlai East ah vote nei mi 25,904 an awm a, mi 12,540 chu mipa niin hmeichhia vote nei 13,364 an awm.
Lawngtlai District a bial pathum ah hian vote nei 91,439 awmin heng zinga 45,685 chu mipa niin hmeichhia vote nei 45,754 an awm.
Tags
News