Lawngtlai ah Horti Exhibition -cum-Horti Fair 2023, Lawngtlai DC in a hawng.

Vawin khan Horti Exibition Cum Horti Fair 2023 chu LADC Hall, Lawngtlai ah Horticulture Department Lawngtlai District buatsaihin neih a ni.

Hawnna  inkhawm Pu PC Lalmalsawma, DHO, Lawngtlai kaihhruaiah, khuallian Lawngtl;ai DC Pu Joseph H. Lalramsanga chuan thlai thar chhuah lama kan in todelh tawk loh thu sawiin, thlai leh thei hrisel tharchhuah kawngah tan kan lak a pawimawh a, ram dang atanga kan lakluhte a hrisel tawklo thei a, kan hriat chian keimahni tharchhuah ngei kan ei anih chuan taksa hrisel nan pawh a pawimawh hle a ni a ti. Horti Exibition Cum Fair a thlai leh pangpar pho chhuah te chu mitaima te kutchhuak vek a ni a, mitaima tan eizawnna zawn a huphurhawm loh, Mizoram hi heng kan phochhuah thlai rah leh pangpar ah te intodelh tura tan kan lak a pawimawh hle a ni tiin Exibition Cum Fair a mahni tharchhuah pho chhuak zawng zawngte duhsakna a hlan.

He hunah hian Pi Zodinpuii Fanchun, President Lawngtlai Florist Association pawhin thu sawiin, engkawngah pawh a zira zir thiamna hi a ropui em em a, chutih rualin mahni tawnhriat atanga kan thiltih erawh a hlu bik   tih sawiin, Pangpar te pawh a taka tuichilh ngai, dim leh uluk taka enkawl ngai a ni a,   taima taka thawk ten hlawhtlinna an chang thin ati.

Hawnna inkhawm ah hian zaithiam zaite ngaihthlak niin, Pu Michael Lalhmachhuana Murray, Asst. District Horticulture Officer chuan lawmthu sawiin hun a khar.

He Horti Exibition cum Horti Fair 2023 ah hian  Thlairah lam chi 15 leh Pangpar chi hrang hrang chi 8 pho chhuah a ni a, heng phochhuah te hi KVK. Lawngtlai a mithiam ten endik
in, Lawmman pakhatna atanga pathumna thleng siam a ni dawn a, naktuk ah lawmman sem a ni ang.