Counting Official te tan Training buatsaih.

Vawiin khan DC Conference Hall, Lawngtlaiah MLA inthlanna a vote chhiar tur, Counting Official-te tan training buatsaih a ni a. Pu Abraham Beirazi Khithie, Addl. DC chuan training hawnna hun hi hmanpuiin Pi Rochuangkimi Khenglawt, Project Director, DRDO, Pu Denny Lalchhuanawma, Election Officer leh Pu Collin Hlychho, BDO, Lawngtlai ten training hi an pe a ni.

Training ah  hian Counting Supervisor leh Counting Assistant-te an tel a. Vote chhiar hun a mawhphurhna hrang hrang inhrilhhriatna hun hman a ni. Lawngtlai district chhung a Vote tla chhiarna tur hian Govt. Lawngtlai College-ah Counting Centre pathum ruahman a ni a. Vote chhiarna dawhkawn hi a vaiin 39 ruahman niin  Counting Official-te thutna tur tihchianna, 2nd Randomization hi December ni 2, chawhma dar 10:00 ah neih a ni ang.