Presbyterian Kohhran Hmeichhe Ni Vawi 27-na chu Lawngtlai Bazar Veng Kohhran Hmeichhia pawhin hlawk takin an hmanga Vengchhungah chhiat tawk an awm vangin Chawhnu dar 12:30 ah hmangtanin, hun hnihah then in, Hun hmasa hi Biakinah hmangin, hetah hian Kristian Nutha tih Upa B. Lalhmunliana, Synod Secretary ziah Pi Lalramtluangi, Asst.Secretary hnen atangin an ngaithla.
Chawhnu lamah inelna leh intihhlimna hun an hmang a, Kohhran Hmeichhe Ni an hmanna a tel , Kohhran Hmeichhe Member kum 60 chin chunglam te thilpek hlanin Tlai lamah ruai an kilho.Lawngtlai Bazar Veng Kohhran Hmeichhia hi tun dinhmunah Member 153 an awm mek.
Kohhran Hmeichhia hi Zosap Rev. DE Jones-a nupui Mrs. Catherine Ellen Williams (Pi Zosaphluii)-in kum 1904-ah a din a. Mizo hmeichhia, a bik takin nu te chu Pathian thu te hrilhin, kut themthiam leh hriselna lam te a zirtir a. hun kal zelah Bible Women-te nen thawk hovin Kohhran tinah Kohhran Hmeichhia a Kohhran Hmeichhe Inkhawmpui Lian-in Kohhran Hmeichhe Ni bik neih a rel a,...
Synod Executive Committee (SEC)-in November thla Zirtawpni hnuhnung ber hi Kohhran Hmeichhe Ni atan hman ni se tia a relsak angin, kum 1997 atang khan hman tan a ni.