Gram Dukan Management Committee tum hnihna Lawngtlai-ah neih ani.

NABARD leh World Vision India tangkawp hmalakna hnuaiah Gram Dukan Management Committee tum hnihna chu nimin khan Lawngtlai Press Club ah neih a ni.

Intodelhna kawng zawhtura intelkhawm Self Help Group ten awmzenei zawka an thil thar leh siamchhuahte an zawrh chhuahna tur Dawr siam chu Gram Dukan Project in a tumber niin, he Project  hnuaiah hian Lawngtlai District chhungah hmalakna kalpui mek niin NABARD chuan he Project atan hian  Rs. 3,74,000/- a ruahman a, Thingkah ah dawr hi hawn a ni tawh.

Nimin a Gram Dukan Management Committee thutkhawm ah hian Pi Chingaihkimi Phiamphu District Development Manager, NABARD, Lunglei bakah Pu JM Soren Lead District Manager Lawngtlai leh MzSRLM aiawh leh World Vision hotute an tel.

Nimin vek khan NABARD leh World Vision India buatsaihin KVK hmunpui, Chawnhu ah Self Help Group tan training buatsaih a ni bawk.