Pi Famiangi hnen ah hian Pangkhua Booth Level Officer Pu K. Lianhrangvela;n a hlan a, Pangkhua khawtlang hruaitute chuan DEO Lawngtlai in Ngaihhlutna thuziak leh pawisafai Pi Famiangi hnena a hlan chu lamwawm an tih thu an sawi.
Pangkhua Village Council Member te hnen atanga The Lawngtlai Post in thu a dawndanin, Pi Famiangi hi a EPIC ah chuan kum 1920 a piang anga ziahluh nimahse, amah hi upa tawh tak a nih vangin EPIC siamlai vel hian a piankum diktak hriat a nilova, rinthuin a piankum hi dah a nih thu an sawi a, Pangkhua khawtlangin Pi Famiangi kum hi an theih ang anga kum upa lam te leh a fate bia a an chhutdanin kum 1910 hnulama piang chu nitheia an ngaihloh thu an sawi.
Pangkhua khawtlang hruaitute chuan Pi Famiangi hian inthlanna hi a ngaipawimawhin vote thlak ngei hi a duh thin tih an sawi a, tuntum Assembly inthlanpui neih ah pawh phurtakin vote a thlak tih an sawi.