Prime Minister in ram mipui hnen ah Akashvani (All India Radio) kaltlanga thu a sawi thin, Mann Ki Bhaat chu vawiin Pathianni khan Chawngte ah mipui ten a huhovin an ngaithla leh.
Prime Minister thusawi hi Chawngte ah hian a huhova tum thum an ngaihthlakna niin, BJP Office ah kalkhawmin Prime Minister in ram mipuite hnena thuchah a sawi hi an ngaihthla.
Mann Ki Bhaat vawi 107 na ah hian Prime Minister chuan India ramin hmalam pana ke a pendan te, ram hmasawn ringawt nilo, rualkhai taka mipuite hmasawnna a thlen theih nan a hmalakna te a sawi a, Chawngte a Chakma mipui Prime Minister thusawi ngaithlatute hian Prime Minister chu an ngaisangin, a thusawi pawh an ngaithla ngun hle.
Chakma mipui ten Prime Minister thusawi an ngaithla lai hi Doordarshan Mizoram chuan a hmun ah kalchilh in Live in an pechhuak nghe nghe a ni.