.jpg)
Ui khuahkhirh hi helai hmunah pawh hian kan sawi lang leh thin a, awmzia erawh a neithuilo tih a chiang a, kan ziah leh sawi vanga awmzenei zung zung tur lah a ni lemlova, a pawimawh zawk ni a lang chu hmalaknaturah hian hma lak zung zung nise tih hi a ni.
Enganga hruaitu tha ram hian neiin, mipui khawsak hi lo changkangin, kan khawpuihi changkang viau pawhnise, khawlaiah ui khuahkhirhloh an tei sup sup chhung chuan changkanna hian ui vulhtute thinlung a nuaitello tih a lanfiahtir zel ang.
Ui khuahkhirh hi tute emawin an khapa, Order khauh tak tak an chhuah kher a ngailo a nia, a vulhtuten midang mitmei venna neise, midang tan hnawksak nih hlauin vulh sela kan fel duak ang.
Kawngkama cheptaka lirthei inhung vanga chetsual a hlauhthawnawm tlukzetin, Ui vanga lirthei chetsualna thlen plah hi a hlauhthawnawm chho tawh , hawh u, mite tana hnawksak tur ringawt chuan Ui hi vulhlo ngam ila, kan Ui te hian mahni chhia leh tha hriatna hmangin hnawksaklo a awm an thiam silova, Ui ngaina tu tak takte thinlung pawh hi thlahdah taka vulhtute vang hian a nat vawng vawng chang a tam ngawt in a rinawm.
Kan pawm leh pawmloh chu thuhran nise, khawlaia ui a neitu pawh hriat mangloh tam lutuk hi kan khawtlang hruaitute thiamloh a nilova, Magistrate lam thiamloh pawh a ni heklo, thiltha tihtur hre reng si a ti duhlotu, a vulhtute thiamloh liau liau a ni.