Kawlphetha remchem zirtir tha Energy Club te hnen ah lawmman sem ani.

Kawlphetha renchem inzirtirna lama hmalatura Lawngtlai District a School thlan bik 20 a Energy Club din te chu inelna hrang hranga an hmalaknate endik niin vawiin  khan Electric Veng YLA, Hall Lawngtlaiah Er. R.Romawia, Chief Electrical Inspector, P&E Department chuan lawmman semna hun a hmanpui. Pu Vansangliana, Project Coordinator, P & E Department chuan   kaihruaiin Er. Zohmingthanga Chhangte, SDO leh Pu Lalsangzuala Sailo, JE-ten an telpui bawk.

Energy Club  te hian mipui hnen ah kawlphetha remchem pawimawhna leh renchem dan te zirtirin hma an la a,  Energy Club pakhat ah zirlai naupang 20 zel awmin zirlai pakhatin In 10 a kawlphetha hman dan enpuiin an hman tlem dan turte an hrilhhre thin a, heng bak ah hian kawlphatha renchem pawimawhna thuziak tar   te, Poster leh pamplet sem chhuah leh Essay leh Painting hmang a inelna te buatsaih thin a ni bawk. 

Heng hmalakna hrang hrang kalpui kawng a tithazual School 10, Energy Club Member ti tha mi 13 leh Essay writing competition a ti tha mi 13 te hnenah lawmman pawisa fai leh citation hlan an ni a, Govt. Chawntlangpui Middle School Energy Club chuan lawmman pakhatna lain Chandmary Middle School-in lawmman pahnihna an la a, Govt. Rosebud Middle School chuan lawmman pathumna an dawng.

Er. R.Romawia, Chief  Electrical Inspector chuan Energy Club member-te chu Mizoramin kawlphetha kan intodelh theih nana inrenchem kawng a hma hruaitu ni zel turin a chah.