FCI Go-Down, Council Veng, Lawngtlai a he hun hmanna ah hian Don Bosco School naupang leh Lawngtlai a Thuthar thehdarhtute hma ah Food Corporation of India a AGM, Adhari Manohar Rana Shankar leh Pi Zodinpuii Ralte Manager, FCI Mizoram te chuan Sorkar laipui chuan buhfai thazawk, mihring tana chakna paitam mipuiah pekchhuah a nihtheih nan kum 2021 atangin hma a la a, Mizoram a Supply Department in BUhfai a pekchhuah chu chakna paitam, Vitamins leh taksa mamawhtur hrang hrang awmna Fortified Rice a nih vek tawh thu an sawi a, Fortified Rice chu a hlauhawmlova, a hmaa Buhfai semthin aiin a hriselin a tha zawk daih a ni an ti.
FCI hotute chuan Fortified Rice chu a lem Bazar lamah a awmtheih thu an sawilang a, FCI in a pekchhuah ah chuan Fortified Rice lem a awmtheilo an ti.
Pi Zodinpuii Ralte Manager FCI chuan tun dinhmun ah Mizoram a FCI Go-Down paruk ah buhfai chhekkhawlsa thla 4 ei daih tur a awm tih sawiin, Buhfai dahkhawlsate chu a chhiatloh nan nguntaka enkawl a ni a ti a, FCI kalphung tlangpui kalkhawmte hrilhfiah an ni bawk.
Chanchinbumite chuan Fortified Rice chu a bikin thingtlang kilkhawr zawkah insawithaihna a awm thin vangin, huamzau zawkin mipui tuamchhuaktura Food Civil Suppleid & Consumers Affair Department nen tangkawpin FCI chuan hmalakna kalpui se an duh thu an sawi chu, FCI hotute chuan Supply Department hotute nen pawh engemawchen an sawiho thin tawh thu leh lo bawhzuizel an tum thu an sawi.
Tags
News