NLUP hmangin Congress in mipui dawmkan tumin hma a la a, SEDP hmangin MNF Sorkar in hma a lazui ve leh a, heng State Flagship Programme te hi mipui kuta pawisafai hlan zawnga kalpui a ni ve ve a, a hlawhtlin leh hlawhtlinloh ah inhnialna tawp theilo a thlen ve ve.
.jpg)
Sorkar fawng vuantu lam chuan, mipuia an intiamna an tihlawhtling ah an ngai ve ve a, a dik thlap a, luhchilhthuk deuh duh tan chuan hnialkhan tha tak tak erawh haichhuahtur a awmin a rinawm a, pawisa sem piahlam a mipuiin an tangkaipuidan thleng a umzui chu a semtu chuan a tihtur ah ngaih a ni.
Heng hamthatna dawngtu mipui lam hi thiamloh chang zawka ngaihtheih a nihnalai a tam viau mai, a hmannatur nilovah NLUP / SEDP sum an hman hian, Sorkarin dawmkan a tumna tithuanawptu an ni a, thiamthu sawitheih an neiin a rinawmloh.
Tihtakzeta hmalatu tan tuna SEDP kalpui mek hi bultanna tham a tlinga, a dawngtu lamten Politics a intlawn lungawi tumna leh barulhna emaw, Sorkarin an laka a tihtur a hlenchhuah vena ang chauh ah ngaia, an lo dawngsawng a nih chuan dinchhuahpuinatur kawng dap aiin, mamawhdang lamnan hmanral an awlsam ngawt ang.
Engpawhnise, Sorkar in sem Policy hi ram mipui tan thaturah ngaiin a kalpuia, he hmalakna hi tithuanawptu leh hlawhchhampuitu ah kan lo tang a nih chuan, Sorkar tan puih chhunzawmzel a chakawmloh dawn a, rinawmna tello, mahni hmakhua haieng tura an kuta mawhphurhna dahngamloh an ni ang.