VC By Election ah Vote 65.61% a tla

State Election Commission ruahmanna in tukin zing dar 7 atang khan Lai Autonomous District Council huamchhunga Village Council panga ah VC SEat ruat hnawhkhahna tur thlangin mipuiten boruak muanawm tak hnuaiah vote an thlak.

Lai Autonomous District Council huamchhunga Village Council pasarih ah inthlanna buatsaih niin, VC pahnih Kakichhuah VC seat 1 ruak ah  MNF Candidate  chu  chuhtu awmlovin a tling a, Kawnkhua VC Seat hnih  ruakah, MNF Candidate ve ve chuhtu awmlovin an tling bawk.

VC pasarih ah inthlanna buatsaihah hian VC pahnih ah chuhtu awmlova tling an awm vangin Seat khat theuh ruak hnawhkhatturin, VC panga, Nghalimlui, Dumzautlang, Chandurtlang-II, Electric Veng, Lawngtlai leh Lawngtlai Bazar ah te vote thlak a ni a,Nghalimlui ah Vote 68.64%, Dumzautlang ah Vote 81.46%, Chamdurtlang-II ah 89.77%, Electric Veng, Lawngtlai ah 64.62%, Lawngtlai Bazar ah 62.36% a tlaa, VC panga ah   vote 65.61% a tla.

District Election Officer, Lawngtlai DC, Pu H.Lalhmingthanga chuan Lawngtlai khawpui chhung a By Election neihna Electric Veng leh Lawngtlai Bazar a vote thlakna hmunte a tlawh a, Lai Autonomous District Council huamchhunga VC By Election tluangtaka neih a ni chu lawmawm a tihthu sawiin, Inthlanna buaipuitute, Political Party leh mipui chung ah lawmthu a sawi.

Nghalimlui ah  INC,MNF leh ZPM ten Candidate an nei a. Dumzautlang ah INC, MNF leh Independent Candidate awmin, Chamdurtlang-II ah INC leh MNF an in mal beih a, Electric Veng Lawngtlai ah MNF leh ZPM in Candidate neiin, Lawngtlai Bazar ah Party pathum INC, MNF leh ZPM ten Candidate an nei.

Village Council By election neihna a vote tlate hi vote tlak zawh hun, Vote thlak theih hunchhung tura State Election Commission in a ruahman vawiin tlai dar 5 hnulam ah tihtur tulte tihfel a nih hnu ah chhiarzui nghal tura ruahman a ni.