Meri Maati Mera Desh Campaign, Lawngtlai DC in a hawng.

Ram in kum 75 a tlin lawmna Azadi Ka Amrit Mahotsav hun hman tawpna puala hmalaknatur bultanna Meri Maati Mera Desh Campaign chu vawiin khan Lawngtlai District ah Lawngtlai DC Pu H.Lalhmingthanga'n DC Conference Hall, Lawngtlai ah a hawng.

Meri Maati, Mera Desh Campaign hawnna, Additional DC Pu Abraham Beirazi Khithie kaihhruai ah khuallian, Lawngtlai DC Pu H.Lalhmingthanga chuan India ram in kum 75 a tling chho thei chu ram mipuite inlungrualna rah a nih thu sawiin, India ram zautaka hnam hrang hrang awmten kan ram India kan hmangaihna zual deuh deuh se a duh tih sawiin, neitu kan nihna tihlan nan hmalakna tur hrang hrang duante chu thahnemngaitaka a bawhzuiturten an bawhzui a pawimawh a ni a ti.

Lawngtlai District chu Village Council 188 zet awmna hnam hrang hrang chenna a ni a, khua leh veng anga hmalakna tura duante pawh theihtawp chhuaha bawhzui turin mawhphurtute a chah a, hmalaknatura ruahmanna te chu keimahni leh he rama lo awmzeltur kan tu leh fate tan a ni tih hrereng  turin a chah bawk.

Meri Maati Mera Desh Campaign hawnna ah hian Pi Marilyn Rualzakhumthangi Project Director, DRDO, Lawngtlai chuan hmalaktura Sorkar laipui in State Sorkar kaltlanga a duan hrang hrangte sawiin, heng zingah hian Zalenna sualtu zalenna an suallaia thite, Sipai leh State Police an duty laia thite hriatrengna lungphun Lawngtlai District ah  17 phun tura hmalakna chu peihfel a ni tep tih a sawi a, thingphun tur pawh veng leh khawtin ah ruahmanna siam a ni a ti.

Meri Maati Mera Desh Campaign hawnna ah hian Sorkar Department hotute, LADC aiawhte Village Council hruaitute Sipai bangte, Tlawmngaipawl hruaitute leh Chanchinbumite an tel a, Ram leh hnam in hma  asawn theih nan intiamna neiin, SDC Lawngtlai,  Dr.Doris Lalrinawmi'n lawmthu sawiin hun a khar a ni.