Tun dinhmunah Lawngtlai District ah Buhfai dinhmun a tha.

  Fur khawcheng vangin Lawngtlai District chhungah inkalpawhna kawng a ping nual a, a bikin District chhimlam Lawngtlai-Diltlang-Parva Road chu hmun tamtakah leiminin a hnawh a, BRTF lamten thenfai hna thawk mahse, leimin hi a tam tham vangin kawng tlanglohna a la awm nual.

Hetihlai hian District chhunga Supply Go-down ah te Buhfai chhekkhawlsa dinhmun a tha a, tun dinhmun ah harsatna thlen a hlauhthawnawmloh tih DCSO Pu Lalrinsanga chuan The Lawngtlai Post a hrilh.

DCSO Office Lawngtlai in a chhinchhiahdanin tun dinhmun ah Lawngtlai Godown ah Buhfai Quintals 1823.53 a awm mek a, Bungtlang South ah Quintals 1017.18, Tuithumhnar ah Quintals 1705.60, Vaseikai ah Quintals 8539.34,  Vathuampui ah Quintals 2106.55, Damdep ah Quintals 5014.14 a awmmek a, Lawngtlai Godown a dahtur hian FCI atangin Release Order neihfel ni tawhin dahbelh thuai tura ruahman a ni.

Lawngtlai District chhung Sangau RD Block huamchhung ah pawh Buhfai dinhmun hi a thlaphanawmloh niin a hriat a, tun dinhmun ah Sangau Go-Down ah Buhfai Quintals 3544 a awm mek a, Lungtian ah Quintals 909.03, Bualpui Ng ah Quintals 250, South Lungper ah Quintals 150, Vawmbuk ah Quintals 300 a awm mek bawk.

Lawngtlai District chhung, a bikin fur laia tlahwpawh harsa zualah te chuan thal laiin Buhfai chhekkhawl hna hi ngawrh takin thawh a ni thin a, heihian harsana thlengtur a tiziaawm thin.