Hmundang rualin vawiin khan Lawngtlai District ah National Deworming Day 2023 hawn a ni.

Lawngtlai District ah National Deworming Day 2023 hawnna  puiber Lawngtlai a Model English School a neih chu Sr.Medical Officer, Dr.S.Thaizi chuan kaihruaiin, he hun hmanpuitu Lai Autonomous District Council a Executive Member, Middle School changtu Pu Andrew Laltlanzara chuan India chu ram hmasawn chaktak a ni a, a chhunga chengte pawn hriselna kawngah hmasawnna tha zawk kan neih a tula, Rulhut chu taksa eichhethei, kawng hrang hranga mihring hmasawnna tur tithuanawp thei a nih vangin mithiamte kaihhruaina a rulhut hlo ei chu ngaihpawimawh a tul a ni a ti 

He hun ah hian   Social Welfare hnuai atangin Hmeichhia te chunga hleihlenna   chungchang inzirtirna neih a ni bawk.

Chawngteah pawh  National Deworming Day hmangin, Chawngte  SDO Civil Pu Lalneihthanga Colney leh Sr. Medical Officer Dr. Andrew Khawlthangpuia ten  Chawngte ‘P’ Anganwadi Centre ah hmanpuiin Sr. Medical Officer, Dr. Andrew Khawlthangpuia chuan  National Deworming Day hman chhante leh naupang hriselna tana in zirtirna leh hmalakna tha tak a nih thu a sawi a, naupangin Rulhut a pai theihna te sawifiahin enkawldantur a sawi bawk.

Chawngte SDO (C) Pu Lalneihthanga Colney chuan naupang te hnenah Rulhut damdawi eitirin, National Deworming Day chu Chawngte RD block ah hlawktaka hman a nihtheih nan rulhut hlo eirual neite chuan ngaipawimawh theuhturin a chah.

Lawngtlai District ah naupang Rulhut hlo pektur Health Department in a chhinchhiah zat chu naupang  68186 niin heng zinga 32568 chu Sorkar School a kai niin, 18081 chu Private School naupang an ni a, a Anganwadi naupang 15081 awmin Anganwadi a la lutlo, leh School kailo 2476 an awm bawk.