Editorial || RAM NEITUTEN NGAIHVEN AN PHU.

 

KMMTTP kawngpuiin an ram a tihchhiatsak intelkhawm, Lawngtlai District Land Owners Association te chuan kum sawm chuang thuneitute a lo nawr tawh, Zangnadawmna tihfel a ni theilo chu an thiamang anga nawrchhunzawm an tum thu sawiin, Dy. Conservator of Forest, Chhimtuipui Wildlife Division Office chu Ni 3 an dang tawh a, an dinhmun hi ngaihvenpui an phu viauin a hriat.

Ram neitu lamten an sawidan chuan High Court in ram neitu diktak mi 138 a nemngheh tawh an awm a, hengmiten zangnadawmna an hmuhna daltu chu Mizoram Sorkar EF&CC Department a nih thu an sawi a, hetia a chhan bulber kawh fak tur an nei hian hmalakna pawh a tichaktur ah ngai ila, CM hova Meeting pawn  hmalakna kalpui tha a tiin hma anla ni pawn a hriat.

Hetihlai hian kum 10 chhung hian tawng tlamuantu leh an hmakhua a engzawnga sawipuia, lo kaihruaitu hi an tawng hnem ve tawh a, heivang hian an duhber a hlawhtlinna an hmuh hma chuan an ngaih a tha tak tak theilo ni berin a hriat a, helaitak hi ngaihventu an mamawhin, ngaihven an phuna lai pawh niin a hriat a, Zangnadawmna lak hi an phu a nih chuan pek an nihthuai theih nan thapui thawhin, thuneitu lamten theihtawp chhuah a hma an lak a tul takzet in a hriat a ni.