Diltlang bial ah Tribal Affairs project hnuaiah hna thawh tan a ni.

Vawiin Dt. 24 Aug, 2023 khan Pu HC. Lalthawmliana, EM i/c PHE, LADC etc. chuan Hmunnnuam khua tlawhin nikum lama Tribal Affairs hnuaia a Project thehluh  hlawhtlin lawmna hun hman a ni a, vawiin vek khan Bialtu MDC, Pu HC. Lalthawmliana hovin hna hi thawh ṭan nghal a ni.

He hna hi khaw chhung inkal pawhna kawng PCC Pavement a siam tur niin, Pu HC. Lalthawmliana hmalakna vekin Party bila inthliar lovin khaw chhung intin aṭangin mipakhat zelin vawiin hian hna hi an thawk a, khawtlang inhlawhna buatsaih a ni.

Pu HC.Lalthawmliana, hian nikum lam khan a Bial chhung khaw li (4) Diltlang, Hmunnuam, Ngengpuikai leh Chawngtelui tan nuai 20 man hu ṭheuh Project hi Tribal Affairs hnuaiah theh lutin, tunah hian Hmunnuam leh Ngnengpuikaiah hna hi ṭan tawh a ni a,   Diltlang leh Chawngtelui te pawhin hna an ṭan theih beisei a ni.

Hmunnuam khawtlang hian an Bialtu MDC hi lawm taka lo dawngsawngin,   khawtlang tana hna ṭha a thawk ṭhin chu lawmawm an ti hle a, Party inthliarna awm lova phur tak leh lungrual tak  a hna an thawk thei chu a kal phung thar hle a an hriat thu khawtlang mipuite'n an sawi.