Synod Prison Ministry in Dist. Jail ah thilpek an hlan.

Synod Prison Ministry, Lawngtlai District chuan tukin zingkar khan Lawngtlai District Jail a Inkhawmna a hmantur Thutthleng sawm  an hlan.

Thutthleng hlanna ah hian Rev C. Zaihmingthanga, Chairman, Synod Prison Ministry, Lawngtlai District chu tawngtaiin, District Jail a Inkhawmna atana an hman Chapel ah Thutthleng an indaih loh thin vangin  Synod Prison Ministry chuan indaihlohna engemawzat a phuhruk theih beiseiin Thutthleng chu an ngaihtuah tih a sawi.

Chapela dah tur Thutthleng   siamna tur hi SPM Lawngtlai District chuan senso ngai zawng zawng a tum a, Lawngtlai Bazar Veng Kohhran Pavalai Pawl te chuan a siam hna hi thawkin, tukin zing kar khan  Upa K.Lalchungnunga, Treasurer, SPM Lawngtlai District chuan District Jail Superintendent Pu HC. Hratliana kutah a hlan a, Inkhawmna atana hman Chapel ah Wall Fan 4 an dahsak bakah, Chapel Corridor Hand Railing thatak an siamsak bawk.

Synod Prison Ministry hian kum 2017 atang khan District Jail a rawngbawlna hi a kalpui tan a,  Lawngtlai District Jail bik ah hian thla khatah Pathianni vawi hnih Jail tangte hun hmanpui an ni thin.