Lai Autonomous District Council hnuaia Agriculture Department chuan kuthnathawktuten huan thlai nghet, sumchang thei an chin theih nan vawiin khan Kuhva tiak an semchhuak.
Kuhva tiak hi Agriculture Department enkawltu, Executive Member Pu Lalropuia Chinzah hovin semchhuah a ni a, Pu Lalropuia Chinzah chuan LADC huamchhunga kuthnathawktuten awmzenei zawka huan thlai an chintheih nan Sorkar chuan theihtawp a chhuah tih sawiin, huannghet nei a, chuta tang chuan chhungkaw enkawlna tur an tharchhuah theih nan kuthnathawktute chu bultanpui an ni a ti a, kum kalta atang khan Khaw khat ah thlai inangtlang zel (One crop one Village) chintir an nih thu sawiin kum 2022-2023 chhungin Balhla chingtur a thlan chhungkua 200 hnen ah Balhla phuntur singnga a thlawna pekchhuah a ni a ti a, tuntuma Kuhva tiak semchhuah chu kuthnathawktuten hlawhtling taka an china, awmzeneia loneitute dawmkanna hmanraw tangkaitak a nih a beisei thu a sawi.
LADC hnuaia Agriculture Department chuan Kuhva tiak Singli chu chhungkua thlanbik 110 hnen ah an sem a, Agriculture Department mithiamte chuan a phundan leh enkawlna ah kuthnathawktute tan biakrawn theih reng an nih thu sawiin, a theih ang angin kuthnathawktute zirtirna hi an kalpui reng bawk.
Tags
News