Lawngtlai District Police, Public Relations Officer, Additional SP, Pu C.Lalruatkima'n The Lawngtlai Post a hrilhdanin, mitthi Abdul Ahmed (27) s/o Abdul Khalique, Jarua, Karimganj leh he thihna a inhnamhnawih a puh Samar Dutta kum 28, Appang Dutta fapa, Lawngtlai Chandmary venga mi inluaha khawsa chu inhnial buaiin, Abdul Ahmed hi kawngthlang kham ah tlain, a nunna a chan ta a ni.
Nilaini khan hnamdang hlir pali chuan kuhva rah zuarin Pick up hmangin Siaha ah an kala, an motor a chhiat vangin tuna he thihna a inhnamhnawih ber a puh, Samar Dutta chu motor siampui turin Lawngtlai atangin Siaha ah a chho a, nimin Ningani khan Siaha atanga an hawlam ah Siaha leh Kawlchaw inkar Zero Point ah nunna chanta [The Lawngtlai Post] Abdul Ahmed hian lo pharin a chuang ve a, Samar Dutta hi Lawngtlai ah chhukin, a chhukhnuin a Phone a bo tih hrechhuakin, Pickup chu umzuiin, Thingkah leh Thingfal inkar ah umphain, thil chinchang an inzawhfiahna lam ah he thil hi a thleng ta tih Pu C.Lalruatkima Public Relations Officer Lawngtlai District Police chuan a sawi a, Pick up a chuang hnamdang vek pali te chuan tun dinhmun ah hethil thlengah hian inhnamhnawihna an neih hriat a nilo.
He thihna a inhnamhnawih a puh Samar Dutta leh Pick up a chuang hnamdang vek pali te chu Court ah hruai niin, thuzawhfiah atan Police ten darkar 72 kawl an dilna chu Court in a phalsak.
Mitthi Abdul Admed ruang chu vawiin khan District Hospital, Lawngtlai ah Postmortem niin, an khuaw lam ah thawn a ni ang