.jpg)
India chu ram pakhat a nih angin, hnam hrang hrang ten inenkawlna dan an neih chu khairual zawka kalpui a nihtheih nan, dan pakhat Uniform Civil Code neih nise tiin Central Sorkar chuan hmalakna a kalpui mek a, heihi a bikin hnam tlem zawk leh Hindu nivelo ten an dodal nasa a, an tan chimralna leh barhluih dan hnuaia kunna tur ah an ngai.
Nimin khan Lai DCC chuan UCC dodalna hun hi Areopagy ah an buatsaih a, hunserh hmangtu chuan Kristian te tan a himlohzia te, nasa taka do a ngaihthute a sawi a, Sakhaw Puithiam meuhvin Political Party hawizawng nilova, kristiante tanrual a ngaihzia thahnemngai taka a sawi khan ngaihtuahna a tithui a, huam zau zawka UCC dodalna lantir hi a tulzia a tilangin a hriat.
India ram a zaua, mihring kan tama, khairualtaka thiltih a harzia hrelo kan awmlo ang, kan himna tura hmalak a ngaihna ah Political Party dahthaa, kan chatuan nun nghawng zawk, kan Kristianna hi hmatheh ngam a pawimawh a, Political Party zawkin kan ram leh hnam damna tura hmalakna a dal chuan, ram hmangaihtu a inchhal ngamtur kan awm in a rinawmloh.
Parliament a Member kan neih ten theihtawpa dodal an tum thu an sawi te hi a thlamuanthlak a, Politics a hamthatna zawnna tur hmanrua a nilova, ram leh hnam, kan sakhua thleng ngawng a nih vangin tanrualna tha mamawhna a sang viauin a hriat a ni.