.jpg)
KAWNGPUI CHEP HI
District khawpui dang nena khaikhin pawhin, Lawngtlai a kawngpui pawimawhber, National Highway hi a tello viau mai a, hetichung hian lirthei veivak tan a chep viau thung lai hi, helam veimite chuan ngaihdan hrang hrang, thatak tak, a taka kalpui ni silote pawh an nei teuh tih a chiang.
Lirthei dah phalna leh dah phalohna te, Lirthei chevel hnehtaka vilturin Traffic Police indaihloh zia chu hriatsa a ni a, lirthei khalhtu leh neitu lam ten Traffic Police te hmuhphakloh ah pawisak an la neitlem deuh ni a lang hian kawngpui a tichep zual thin.
Lirthei dahna hmun a dandan hrim hrim pawh hi sawitham a awm, a dahna hmun atanga chhuahdan thleng hian, Two Wheeler Parking ah hian, kawngpui vangtan zawng, ngiltak nilo deuh hian, hawizawng inang deuhin, a paivat zawng ten hun ni thin tase, tun ai hian heng lirthei dahna hmun ah hian kawngpui chep a tinep ngei ngei ang.
Eizawnnan a hman lirtheite a bikin Auto Rickshaw enkawltute hian sawisel an hlawh nasa viau thin a, insiamthat ngailai chu tutepawn neih theuh a ni a, mimal motor khalh leh Two Wheeler khalh zingah Driving Manner tlachham fe fe an tamzia hi veitham a tling.
A nihdantur angin lirthei hi khalhin, hung ila, tuna kawngpui chep vanga harsatna thleng hi a ziaawm ngei ngei ang. Tun dinhmun ah chuan thuneituten thupek eng eng emaw an siam hmanga hmalakna kalpui kherlo pawn, mipui lam hian an tihve tur tise, a hlawkna hi hmuhtheih a ni nghal in a rinawm.
Kawngkawi ulh lai deuha lirthei veivak tana hnawksak taka mahni lirthei hungduh tlat kan la awmte hian, midang himna leh midang venthawnna tlachham fe fe kan la awm nual tih a lanfiahtir awm e.