CADC Inthlanpui neihtur ah hian BJP, INC leh MNF chuan seat awm zawng zawng chuhkim turin Candidate 20 theuh an nei dawn a, ZPM chuan vawiin khan an Candidate tur mi 4 puanbelhin bial 13 ah Candidate an nei dawn.
CADC ah hian a tlember ah Candidate 73 an awm a rinawm a, hming pekluh endik leh hming pelut, inhnuakdawk duh tan hun a la tawploh vangin CADC Inthlanpui neih tur ah Candidate awmtur zat hi chiang takin a la hriattheih rihloh.
Vawiin a CADC Inthlanpui neih a chuhtumte hming pekluh hi naktuk ah endik a ni dawn a, inhnukdawk duh tan April 27 chhun dar 12 thleng hun hawn a ni a, Chakma Autonomous District Council a Member of District Council inthlanna atan mipui ten May 9, 2023 zing dar 7 atanga tlai dar 5 inkar ah vote an thlak dawn a, vote thlak nawn ngai a awm chuan May 10 ah Vote thlakthat a ni ang. He inthlanpui a Vote tlate hi May 11, 2023 ah Chawngte ah chhiar a ni ang