LWA ten International Women's Day, Refugee te nen an hmang.

International Women's Day chu vawiin khan Lai Women Association Gen Hqrs. Lawngtlai chuan, Lawngtlai College Veng a Raltlan te nen an hmang.

International Women's Day hi nimin kha niin, Myanmar Raltlante nen hunthawl zawk ah Day hi hman a remchan zawk vangin vawiin khan Lai Women Association Gen Hqrs Lawngtlai chuan Myanmar atanga an sahimna zawnga Lawngtlai a lut, College Veng Refugee Camp a awmte nen an hmang a...

Khuallian,  Pi. K.R.Chhingpuii Treasurer AMWF Mizoram, Tresurer Mizoram Chin Refugee Committee nibawk chuan chuan International Women's Day a lo pian chhuah dan leh Dan in Minu te a humhalh dan te, Mipa   ten minu te tan harsatna an siam a rem loh thu leh Dan hnuai a an him thu leh Minu te pawimawhna hrang hrang a sawi a, Pi V.Lalrinkimi President, LWA Gen Hrs chuan India danpui hnuai ah Hmeichhiate humhalhna thatak a awm tih sawiin, a bikin Raltlan hmeichhia ten harsatna an tawhin, Lai Women Association hruaitute chu anmahni puiturin an inpeih reng tih a sawi a, LWA Gen Hqrs Raltlante chhawmdawlnan Mutbu, thawmhnaw leh Bungbel engemawzat an hlan nghal.

Lairam Isua Krista Baptist Kohhran Hmeichhe Pawl a General Secretary Pi Lalduhawmi pawhin thusawiin, Hmeichhia te humhalhna hrang hrang bak ah  chhungkuain Pathian an hnaihna tur leh Lalpa rawngbawlna ah hmeichhiaten mawhphurhna sangtak an neih thu a sawi.

Vawiin a Raltlante nen International Women's Day hmanna ah hian dan in hmeichhiate a humhalh dan te, Inchhungkhur leh khawtlanga hmeichhiate mawhphurhna hrang hrang te inhrilhnawnin infuihthar a ni a, huamzau zawkin LWA hruaituten Raltlan hmeichhiate an kawm bawk.